Teiknistofa Arkitekta
Teiknistofa Gylfa Guðjónssonar, arkitekts faí, var stofnuð 1979. Teiknistofan hefur unnið að fjölþættum verkefnum á nær öllum sviðum skipulags- og byggingarmála á farsælum starfsferli, allt frá hönnun innréttinga til aðalskipulags sveitarfélaga. Frá haustinu 2000 hefur teiknistofan verið í samstarfi við Árna Ólafsson, arkitekt faí, fyrrverandi skipulagsstjóra Akureyrarbæjar, sem sett hefur á fót teiknistofu á Akureyri.
Frá 1. janúar 2001 eru teiknistofur Gylfa Guðjónssonar og Árna Ólafssonar reknar sem eitt fyrirtæki - Teiknistofa arkitekta, Gylfi Guðjónsson og félagar ehf. með vinnustofum í Reykjavík og á Akureyri. Eigendur nýja fyrirtækisins eru þeir Gylfi og Árni ásamt arkitektunum Sigurði J. Jóhannssyni og Arnfríði Sigurðardóttur sem hafa verið starfsmenn teiknistofu Gylfa undanfarin ár. Nýja fyrirtækið tekur við allri starfsemi og skuldbindingum teiknistofanna beggja.
Húshönnun hefur lengst af verið veigamesti þátturinn í starfsemi teiknistofunnar bæði fyrir einstaklinga, félög og opinbera aðila. Almennt íbúðarhúsnæði svo sem einbýlis- rað og fjölbýlishús bæði fyrir einstaklinga og verktaka hefur þar vegið þyngst en einnig hefur verið fengist við hönnun íbúða aldraðra af ýmsu tagi bæði fyrir sveitarfélög, stéttarfélög og önnur samtök.
Hönnun opinberra bygginga hefur einnig verið mikilvægt viðfangsefni teiknistofunnar, einkum fyrir ráðuneyti og sveitarfélög.
Þá hefur mikið verið unnið að hönnun breytinga á innra skipulagi eldri bygginga og innréttinga, einkum fyrir opinbera aðila svo sem ráðuneyti
Á síðari árum hefur teiknistofan í auknum mæli tekið að sér skipulagsverkefni fyrir sveitarfélög bæði deiliskipulag og aðalskipulag.
Teiknistofan er skipulagsráðgjafi sex sveitarfélaga víða um land og er því í dag ein umsvifamesta teiknistofa á landinu á sviði skipulagsmála.
Vinnustofurnar eru tölvuvæddar og hafa yfir að ráða öflugum vélbúnaði og hugbúnaði fyrir hönnunar- og skipulagsvinnu og er nær öll hönnun nú unnin í tölvum. Starfsmenn teiknistofunnar hafa langa og fjölbreytta starfsreynslu við hönnun bygginga, gerð aðalskipulags sveitarfélaga og deiliskipulagsvinnu. Teiknistofan getur því boðið alhliða þjónustu, sem byggir á langri reynslu og staðgóðri þekkingu.
Teiknistofan tekur reglulega þátt í samkeppnum meðal arkitekta og hefur unnið til fjölda verðlauna í gegnum tíðina bæði á sviði byggingar- og skipulagsmála.
Því miður styður vafrinn þinn ekki ramma (frames) og þess vegna væri ekki vitlaust að fara á Mozilla.org eða Opera.com og ná í nýjan og betri vafra.